Носете смели комбинации оваа есен

Во годишното време кога се е дозволено, зошто да се задржувате исклучиво до едноставните минималистички комбинации?

Откријте што се имате во шкафот, од платнени шорцеви до високи чизми и склопете смела и необична комбинација.

Започнете со мешање на боите и материјалите – оваа сезона миксот од шари е во тренд. Кратките шорцеви носете ги со дебели, дизајнирани хулахопки. Здолништата носете ги со високи чизми над колениците. Класичната кошула нека се ѕирка малку под необичниот краток џемпер. Марамите нека ви бидат задолжителен детаљ за дневните прошетки.

Вечерните излегувања зачинете ги со повеќе накит од вообичаеното. Доколку ви беше незамисливо да измешате дрвени и метални алки, оваа сезона тоа е неверојатно модерно. На големите чанти врзете им интересна марама во спротивна боја од облеката која ја носите.

Искористете се што имате во шкафот за да направите една храбра и оригинална комбинација. Не ви се потребни нови и скапи парчиња, само нов начин на кој што ќе ги носите оние што веќе ги имате.