Имате ли стил?

Кога за некого се вели дека е "stylish", тогаш се мисли дека е “добро облечен“. Колку се модерни ѕвездите? Многу. Но, колку од нив се сметаат за модни икони?

 

 

На ова прашање тешко е да се одговори, затоа што ниту една од моменталните ѕвезди неможе да се мери со Мерлин Монро, Марлен Дитрих, Грета Гарбо, Софија Лорен или Одри Хепберн, поточно со нивниот талент за носење на одредени парчиња облека и нивно комбинирање на начин кој останува препознатлив за нив.

Всушност дефиниција за стилот е можноста да остварите единствен изглед кој е својствен само за вас и вашата физиономија, и секако, да се придржувате и да го следите овој стил.

Личниот стил денес ретко може да се забележи. Со помош на облеката девојките и жените можат да се претворат во “богињи на стилот“. Но, потребен е навистина голем труд, колку и да изгледа тоа банално.

Вие, имате ли стил?