Модна икона: Грејс Кели

Грејс Патриша Кели била американска актерка родена во 1929 година. Благодарение на ретката убавина и уникатниот стил, Грејс Кели за краток период стекнала вртоглава слава.

Таа долго време била именувана како најстилски облечена жена. Со својот современ стил и романтична елеганција, Греј скели е инспирација за современите принцези низ светот.

На фотосесија во 1954 година се појавува во неверојатно елегантен црно – бел фустан.

На филмскиот фестивал во Кан, во 1955 година изненадила со бел чипкан фустан со неверојатно интересен цветен дезен.

На денот на објавувањето на веридбата со принцот од Монако, носела едноставен крем фустан со долги ракави.

Во текот на бременоста, во 1956 година, принцезата Грејс во јавност била повеќе пати видена со рачно изработена Хермес чанта, со која најчесто го криела трудничкото стомаче кое било главна тема на папараците. Со текот на времето оваа Хермес чанта била преименувана во „Чантата на Кели Грејс“.

Грејс Кели на својот најубав ден носела долг, бел невестински фустан со долги ракави кој бил дизајниран од тогаш многу добро познатата Хелен Роуз.

Ховел Конан за прв пат ја фотографирал оваа безвременска фотографија на Грејс Кели на Јамајка. На оваа слика таа изгледа навистина зашеметувачки во секојдневна, едноставна облека.

Од принцезата се очекува секогаш да изгледа отмено, складно и едноставно, а Кели Грејс со својот стил и однос спрема модата ги постави вистинските стандарди на модерната принцеза.

Шамија, очила за сонце, уникатна чанта и белите ракавици биле препознатливи аксесоари за педесеттите години, кои Кели Грејс успешно ги комбинирала и носела секојдневно.