Трикови како да изгледате послаби

Кога следниот пат на улица ќе налетате на жена која носи високи потпетици, облечена во црно, со јака шминка и вовлечен стомак, знајте дека тоа најверојатно се нејзините трикови со кои се обидува да изгледа послаба.

Кога станува збор за тоа како да изгледате што послаби, изгледа дека некои жени се спремни скоро на сè како би изгледале “полесни” за неколку килограми – освен со диета.

Според најновата анкета спроведена на 2000 жени, дури 2/3 од нив сметаат дека би требало да симнат некое килце, но за диета немаат ни време, а ни желба. Наместо тоа се служат со различни трикови, како што се носење на црна облека, јака шминка, големи чанти и големи очила за сонце.

Но, најпопуларниот трик се уште е носењето на корсет, а добро поминуваат и познатите штикли, кои додаваат неколку сантиметри кога е потребно.

Најпопуларни и најсигурни трикови кои жените ги користат како би изгледале витки се:

• носење на корсети
• црна облека
• долги маици кои го кријат стомакот и задникот
• високи потпетици
• вовлекување на стомакот
• исправено држење
• носат потполнети градници како градите би им изгледале поголеми, а половината потенка
• носење на “вреќести” (широки) маици
• носат вертикални пруги кои ја издолжуваат фигурата
• прегладнување на денот кога сакаат да изгледаат витки
• лажен тен
• широки ремени
• носење на панталони со висок струк
• стојат помеѓу луѓе при фотографирање
• големи чанти
• хеланки
• дружење со пријателки кои се подебели од нив
• врзување на косата во пунџа или опавче
• јака шминка како би го оттргнале вниманието од телото и насочиле кон лицето
• големи очила за сонце како би им изгледало лицето поситно