Модерно и секси кимоно

Пенелопе и Моника Круз, кои креираат за шпанскиот бренд Манго, за пролет/лето 2009 предлагаат фустани инспирирани од Јапонија. На Манго модната...

 

...ревија во Бања Лука, беа прикажани фустаните кои наликуваат на кимона, а јапонските мотиви се доминантни и на останатите креации и модни додатоци.

"Сестрите Круз креираа ограничена серија во која има и класични одела за жени, но и провокативни мини здолништа во духот на седумдесетите години", изјавила менаџерката на Манго за јавноста. Освен сестрите Круз, креации за Манго креираа и Сандрина Фасоли и Адам Липс.

Фасоли издизајнира 11 уникатни парчиња на облека. Пастелните бои се комбинирани со црна, а од материјали користи свила и шифон. Најчесто се работеше за парчиња кои се вреќасти и набрани.

Славниот американски креатор Адам Липс пак, инспирацијата ја пронајде исто така во седумдесетите години. Тој дизајнираше урбана колекција во која преовладуваше комбинацијата помеѓу секојдневната гардероба со свечената. Како посебно интересни се паметат неговите долги фустани со рачно исцртани дезени.

И оваа сезона модерни се панталоните со висок струк, широки колани и вртоглави и тенки потпетици, а од материјалите атрактивни се, во основа, природни и лесни материјали, додека од боите се издвојуваат бела, сива, розе, црвена и зелена.