Подгответе квалитетен восок за домашна депилација

Доколку немате време да одите на козметичар или едноставно сакате да испробате домашна депилација, еве како брзо и лесно може да се решите од подраснатите влакненца.

Што ви е потребно?

Мал огноотпорен сад, дрвено плоснато стапче кое ќе ви служи како шпатула, памучни ленти, благо средство за чистење на лицето без алкохол, 2 лажици кафеав шеќер, една лажица мед и едно парче лимон.

Подготовка

Во еден алуминиумски сад ставете го шеќерот и медот, па загревајте ја смесата на тивок оган додека сосема не се растопи и соедини. Внимателно следете го процесот, бидејќи смесата може да зоврие, а не смее. Кога смесата ќе се претвори во густа течност тргнете ја од оган и додајте неколку капки лимон. Почекајте да се олади и префрлете ја во огноотпорниот сад.

Користење

Со дрвеното стапче внимателно нанесете ја смесата во правец во кој растат влакната, а потоа поставете ја памучната лента. Со брзи движења отстранете ја траката, во спротивен правец на влакната.

На една мека крпа или пешкир нанесете средство за чистење на кожата и отстранете ги останатите траги од восокот.