Летни “направи сам” модни идеи

Ако сте љубител на овие проекти, сигурно ќе бидете воодушевени од самата помисла дека можете да направите фустан, летна чанта и нова нараквица ова лето, од материјали што веќе ги имате.

Издвоивме неколку интересни идеи кои ќе ви овозможат да ги изненадите сите околу вас, но и вие самите пред сè.

Разгледајте и одлучете се за омилената...

Нова огрлица со лак за нокти - Само обојте ја старата огрлица која ја имате со силни жолти, тиркизни и корални нијанси. Користете лак за нокти кој брзо се суши.

Летна чанта на преклопување - Плик чанта која може да ја направите од обичен материјал, обложен со некоја погруба ткаенина или подебел материјал. Превиткајте ја на три дела, заврзете со марама или колан кој не го носите и имате нов аксесоар!

Скројте туника - Одберете ја најголемата марама која ја имате, преклопете ја на половина, исечете простор за главата и мали дупчиња под ракавите. Протнете тенок колан и добивате модерна туника.

Разиграни потпетици - Ако имате барем еден пар високи потпетици кои ви здодејаа затоа што немаат никаков детал, направете си сами. Додадете им неколку перли нанижани на врвка, потполно исто како на фотографијата.

Летен ластик за коса - Тенките марами кои никогаш не ги носите замотајте ги на интересен начин или направете плетенка од три различни и носете ги на глава.

Макси здолниште - Доволно ви е само едно големо парче материјал и дебел колан. Сошијте ги рабовите, врзете ластик околу струкот и сокријте го со интересен колан.

Машна на балетанките - Декорирајте ги обичните балетанки со шарена марама или парче материјал од кое ќе направите машна или цвет, по ваша желба. Можете да го залепите или да направите мало дупче за да го протнете и заврзете материјалот од внатрешната страна.