Ова се 5-те најскапи чанти во светот

Ташните или плик-чантите се модни додатоци кои станаа повеќе од потреба. Може да бидат изработени од кожа, сатен, драгоцени камчиња...

Дизајнерите ширум светот сметаат дека чантите се симбол на модата и стилот, па не е ни чудо што ги претворија во најлуксузно уметничко дело.

Клеопатра чанта

Лана Маркс ја произведе оваа чанта чија цена изнесува 250.000 долари, а изработена е од крокодилска кожа обоена во сребрена боја. Копчето е изработено од 18-каратно бело злато, а во неа се вградени и 1500 дијаманти во црна и бела боја.

Шанел „Diamond Forever“

Ова е класична чанта од модната куќа Шанел, дизајнирана од чиста крокодилска кожа. На чантата има големо лого во облик на знакот на Шанел кој е обложен со дијаманти. Копчињата и синџирчето се изработени од 18-каратно бело злато заради што чини цели 261.000 долари.

Чанта дизајнирана од Гинз Танака

Изработена од платина и украсена со над 2.000 дијаманти, овој модел на чанта чини нешто повеќе од 1,9 милиони долари. 8 каратниот дијамант кој се наоѓа на предната страна на чантата може да се користи и како брош.

Најскапата Хермес чанта

Оваа неверојатно луксузна чанта чини над 1,9 милиони долари, а за нејзино создавање биле потребни нешто повеќе од 2 години. Рачно изработена, од крокодилска кожа, со плочка злато и големи дијаманти, оваа чанта е втората најскапа во светот.

1001 ноќ дијамантската чанта

Службено најскапата дијамантска плик чанта е изработена од 18-каратно злато, а обложена е со 4517 дијаманти и чини вртоглави 3.580.000 долари. Чантата во облик за срце се изработувала цели 8800 работни часа, само за да ги сруши сите рекорди.