Мали тајни на фризерите за убава и негувана коса

Сите посакуваат постојано да имаат коса како штотуку да излегле од фризерски салон, а со неколку мали тајни тоа ќе може да го постигнете и во домашни услови.

Иако може да ви изгледа необично, голем број светски фризери предлагаат плакнење на косата еднаш неделно со негазирана минерална вода.

Ако косата ви е природно мрсна, ништо нема да постигнете со триење на темето додека ја миете. Најдобро би било да земете прамен по прамен коса меѓу дланките и да го нанесете шампонот само директно во косата.

Производите за стилизирање никогаш не ги нанесувајте директно на косата. Задолжително прво ставете ги на дланките и протријте ги. Така ќе успеете рамномерно да ги нанесете, а да не ја упропастите фризурата или да ви се залепи косата.

Уште еден совет, редовно стрижете ја коста во зависност од тоа колку брзо ви расте. Истрижената коса секогаш изгледа погуста и поздрава.