Направете си холивудски локни

Оваа фризура веќе неколку години е хит на црвениот тепих. Меѓу првите кои ги носела е Вероника Лејк, а на овогодинешните Оскари вакви фризури имаа холивудските убавици Кејт Хадсон и Сандра Булок. Со малку вештина оваа фризура може да си ја направите и дома.

Одличен избор е за свечени прилики како венчавки, прослави, а и за оние кои сакаат да имаат повпечатлив секојдневен изглед.

Сè што ви е потребно за ваквата фризура се фигаро, тенки шноли, лак за зацврстување и малку трпение.

Префрлете ја косата на една страна и издвојувајте прамен по прамен кој ќе го виткате на загреаното фигаро во правец од долу кон горе.

Полека одвиткувајте ги прамените, а откако ќе ја навиткате цела коса оставете ја малку да се излади.

Зачешлајте ја на едната страна и прицврстете ја со тенките шноли.

Локните полека расчешлајте ги со чешел со широки запци, но внимавајте да бидат уредни.

На крај напрскајте малку лак за зацврстување кој ќе направи да ви траат подолго.