Бидете модерни и шик: 5 предности на кратката коса

Додека долгата коса е универзална и романтична со можност за различни фризури, кратката коса има поинакви предности. Таа може да ви даде шик изглед, постојано да имате фризура без да треба да мислите што да направите и како да ја врзете.

Модерна е и ви дава впечатлив изглед. Ако сè уште не сте се решиле да го посетите вашиот фризер, неколку добри предности, ќе ве убедат.

Лесна за одржување

За долгата коса пред секое излегување потребно ви е време за да ја исушите, исчешлате и наместите и ви одзема премногу време. Кратката коса е практична и наменета е за вработени или зафатени жени кои имаат поважни работи во мислите од тоа како да ја средат косата.

Се чувствувате послободни

Долгата коса знае да ви тежи на главата и рамениците, за разлика од кратката коса која ви дава чувство на слобода и едноставност.

Ве подмладува

Кратката коса секогаш може да ја украсите со интересни шноли, машнички, цветчиња кои само ќе ви дадат повпечатлив изглед. Кратката коса ве прави помодерни, а со тоа и помлади.

Лесно поминувате со прстите низ неа

Долгата коса побрзо и полесно се мрси и плетка, па мора постојано да ја чешлате. Со кратката коса тоа не се случува толку често, бидејќи може само со прстите да поминете низ косата и да ја разбушавите.

Ви дава построг изглед

Особено на оние со овален облик на лицето им дава построг изглед. Ако имате слатко и мило лице со нежни црти, никако не го кријте под долгата коса, туку истакнете го со кратка фризура.

Одберете некоја од модерните кратки фризури за оваа година:

• 
• 
• 
• 
• 
• 
• 
• 
• 
•