Елена Ристеска е новото, пролетно заштитно лице на Fashion&Friends (фото)

Пролет/лето 2014 е сезона на новитети за мултибренд концептот Fashion&Friends. Она што ќе ја одбележи оваа сезона е започнувањето на партнерство со Елена Ристеска, која долги години е верен пријател на Fashion Group, а од сезонава е и официјален партнер на Fashion&Friends.

Атрактивните брендови како Guess, Guess by Marciano, Replay, Maison Scotch, Desigual и Gaudi, одлично прилегаат на версатилниот, но секогаш впечатлив имиџ на Елена, без разлика дали се работи за настап или приватно.

Во рамките на соработката помеѓу Елена и Fashion&Friends предвидени се повеќе заеднички проекти меѓу кои е и интересната фотосесија со избор од колекциите за пролет/лето 2014, потпишана од Дарко Мораитов.

Елена е претставена во неколку различни изгледи во фотосесијата, почнувајќи од спортски и лежерни парчиња, преку разиграни, разнобојни комбинации, па сè до црно-бела елеганција. Во секој од нив таа изгледа во свој стил -  заводливо и гламурозно.

Мултибренд концептот Fashion&Friends постои од октомври 2012 година, а од оваа сезона импресивната листа на брендови е дополнета со Diesel, Hugo Boss Orange и италијанскиот бренд за чевли Roberto Boticelli.