Сара Џесика Паркер, ѕвездата на “Sex and the city” со моден едиторијал во InStyle

Актерката и модна икона Сара Џесика Паркер ги краси страниците на британското издание на списанието „InStyle“. За едиторијалот “True Colоurs” позираше пред објективот наЏампаоло Згура во модели од најновите колекции на Прада, Шанел и Диор, додека сите чевли во едиторијалот се од нејзината прва колекција SJP.

Ѕвездата на „Sex and the city“ во интервјуто призна дека има голема разлика помеѓу неа и Кери Бредшо.

„Таа повеќе сака да има чевли отколку мебел или храна. Јас секогаш би одбрала добар оброк или патување.“

За стилот на облекување Сара Џесика ги советува луѓето да не ја следат слепо модата, туку секогаш да го избираа она што ним им се допаѓа.

„Луѓето треба да се облекуваат како што сакаат. Сите правила поврзани со возраст или форма се глупави. Важно е кога ќе излезеш низ врата, да се чувствуваш добро во сопствената кожа.“

Сара Џесика Паркер или Кери Бредшо секогаш ќе биде олицетворение на вкус и стил. А тоа го докажува и во овој едиторијал:

• 
• 
• 
• 
• 
• 
• 
•