За лежерен и опуштен изглед: Разбушавена плетенка во 5 чекори

Покрај вечното коњско опавче, плетенката е една од најпопуларните и најстарите фризури кои никогаш нема да излезат од мода. Но, оваа интересна фризура поминала низ бројни фази на корекции, идеи и обиди.

Моментално најпопуларна е разбушавената плетенка на едната страна. Дознајте како да ја направите популарната фризура која ја гледате кај многу светски ѕвезди.

Пред сè е неопходно да имате долга коса или надградена за да може да почнете да ја плетете.

Како помагала потребни ви се:

- чешел за тапирање

- ластиче за врзување

- лак за коса

Постапка:

1. Натапирајте ја и од едната страна и на темето, поделете ја косата на лежерен патец на страна и целата коса префрлете ја преку едното рамо.

2. Косата поделете ја на 3 прамени, а од едниот исплетете тенка плетенка и со прстите развлечете ја за не биде стегната, туку бушава и лежерна.

3. Од тенката плетенка и останатите два прамени почнете да плетете почнете да плетете подебела плетенка, но од висина на ушите, па надолу, за на крај да ја врзете со ластичето.

4. После тоа со прстите повлечете делови од плетенката и раширете ги додека плетенката не стане двојно поголема. Со оглед на тоа што плетенката мора да биде разбушавена, слободно извлечете по некој прамен кој слободно ќе паѓа.

5. Плетенката фиксирајте ја со лак за коса и вашата фризура е готова.

Ако имате долги шишки или степени, не се обидувајте да ги фатите, туку оставете ги слободно разлетани. Тоа ви дава опуштен и разигран изглед.

Погледнете ги сите постапки во видеото и пробајте да ја направите: