Kако се оди на штикли

Високите потпетици се хит оваа сезона, но не е лесно да одиме на штикли цело време, особено ако се екстремно високи. Еве неколку корисни...

 

... совети кои ќе ве зачуваат од повреди и бламирање.
За почеток, вежбајте по дома, но и на скали и на треба, по калдрма... На тој начин ќе стекнете рутина, ќе ги разгазите новите обувки и ќе ги прилагодите на вашето стапало.

Облечете тесно здолниште во комбинација со сандали со високи потпетици и земете ја правосмукалката. Ако и во таа комбинација ја светнете куќата, а здолништето, потпетиците и зглобовите ви останат недопрени, ви честитаме - подготвени сте за излегување во град!

Меѓутоа, ако немате време за домашно вежбање, купите обувки со ременче околу зглобот. Тој мал додаток е одличен 'пријател' на почетниците. И чизмите со високи потпетици, се добри за 'високо' чекорење кај почетниците.

Кога купувате високи потпетици обрнете внимание на тоа дали ви се удобни, и дали е флекницата гумена. Со тешки обувки потешко се чекори, а пластичните флекници се лизгаат.

На штикли треба да одите женствено и грациозно. Тоа значи дека нозете треба да ги држите една до друга, а стопалата паралелни. Правите мали чекори и одржувајте рамнотежа. Грбот држете го право, со рамениците и петите на исто растојание.

Кога по овие вежби ќе се појавите во град, повеќе не размислувајте за тоа како одите. Уште подобро - замислувајте дека сте во патики, опуштете се, подигнете ја главата, рамената вовлечете ги наназад и тргнете самоуверено.

Гледајте го светот од висина и уживајте во погледот.