Провокативни на работа

Појавата на убави и млади колешки облечени во кратки сукњички и мајчки на бретели или во тесни панталони е атрактивна глетка во ова тешко и сушно лето.

 

Радоста е иста и доколку се појави атлетски граден колега на кој му се отцртува бицепсот низ маичката или кошулата. Но, сепак дали сметате дека ваквата појава не е соодветна за на работа?

Ако појавата е масовна, може ли да се намали акумулацијата на профитот? Ја намалува ли ефикасноста? Не за џабе се вели: кратка сукња - мал профит.

Појавата може да биде критизирана од две страни: етички и теолошки - таа облека е премногу провокативна и несоодветна; од друга страна на некој начин се смета дека е сексистичко.

Провокативното облекување почесто го практикуваат жените отколку мажите. Дали е тоа дискриминација? Колку прашања повлекува една минијатурна кратка сукњичка!

Сепак придржувајте се до кодексот на облекување и не провоцирајте каде не е место.