Како да одберете удобни високи потпетици?

Ако сте во љубов со високите потпетици, сигурно веќе добро знаете колку болен крај може да има таа врска, посебно ако трае повеќе од 3-4 часа.

Сигурно дека ниту едни високи потпетици нема да бидат удобни како балетанките или римјанките, но вреди да научите како да одберете комфор дури и во елегантните моменти.

Постојат 5 клучни чекори на кои треба да внимавате:

1. Поставеноста на потпетицата

Ако потпетицата е премногу назад, големи се шансите дека нема да ги распореди килограмите правилно. Самата потпетица треба да се наоѓа точно во центарот на вашата пета. Најдобар ефект имаат закривените потпетици со дебела подлога.

Неудобно/Удобно

2. Висината на падот

Високите потпетици со поблаг пад, односно платформа која го поткрева целото стапало, се секогаш подобар избор. Ако вашите потпетици немаат платформа, задолжително носете гелни влошки за чевли.

Неудобно/Удобно

3. Материјал

Држете се подалеку од пластички материјали и лажни дрвени платформи. Гумата и кожата се пофлексибилни и ќе ви дадат подобра стабилност на стапалото.

Неудобно/Удобно

4. Дебелината на штиклата

Ако ви е потребна стабилност, секогаш избирајте дебели потпетици. Дури и моделите без платформа можат да бидат двојно поудобни ако имаат дебела потпетица која ќе ви ја одржи рамнотежата.

Неудобно/Удобно

5. Сигурност

Колку се поголеми шансите да изгубите рамнотежа во високите потпетици, толку се потешки за носење. Покрај тоа што треба да изгледаат убаво, задолжително треба да му дадат потпора на целото тело. Пресечените модели кои завршуваат под глуждовите се ризичен избор. Неколку ремчиња плус може да изгледаат посекси и воедно ви го олеснуваат одењето.