7 совети со кои вашата облека ќе изгледа скапо

Ако маичката, сакото или џемперот кој го купивте има некоја маана што го прави да изгледа евтино, не мора да го фрлите на крајот од гардероберот.

Сега постојат поедноставни начини како вашата гардероба да изгледа поскапо и префинето:

1. Променете ги копчињата. Тие мали детали значат цело богатство. Необичното копче кое одлично се вклопува со вашето палто, сако или свилена кошула, ќе го освежи изгледот со голема доза на елеганција.

2. Носете ја облеката на хемиско чистење. Наместо да купувате четки за чистење, вложете во еден ваков „третман“ на вашата гардероба.

3. Грижете се за облеката. Посебно кога се во прашање чевлите и чантите. Дури и да не сте ги платиле скапо, чувајте ги. Наполнете ги со салвети за да го сочуваат обликот, чувајте ги исклучиво во чист гардеробер и редовно чистете ги.

4. Купете машка облека. Машката облека многу често се прави од поквалитетни материјали, посебно кога се работи за кошули и џемпери. Ако има најмал број, голема е веројатноста да ви одговара. Пробајте, нема што да изгубите.

5. Правилно чувајте ја облеката. Наместо да ја расфрлате по собата, чувајте ја на дрвени закачалки или добро здиплена на полиците. Со ова значително ќе го продолжите векот на облеката.

6. Посетете кројач. Сакате стариот капут да ви изгледа како штотуку купен? Дозволете и на кројачката да ги среди рабовите, да го стесни струкот или да направи некоја модна промена - ќе бидете воодушевени.

7. Променете ги ремчињата на чантите. Иако ви изгледа како неважна работа, разликата ќе биде повеќе од очигледна. Малата промена со која железните алки ќе ги замените со цврсто ремче може да изгледа како штотуку да сте се подновиле.