Водич за мажи: Како да изгледате повисоки со помош на облеката?

Им помагаме на сите ниски мажи да ја надмудрат генетиката и да изгледаат барем неколку сантиметри повисоки отколку што навистина се.

1. Монохроматско облекување

Ако сте ниски, тогаш ова е првиот трик кој треба да го примените. Она што се подразбира под монохроматско облекување е всушност еднобојно облекување. Одберете целосно црна комбинација или маица која е во иста боја како фармерките.

2. Внимавајте што носите

Почесто носете кошули, одела и џемпери со вертикални линии и чевли со подебел ѓон. Од друга страна пак, избегнувајте ги сакоата и палтата кои имаат многу копчиња.

3. Исправете се

Ова не е тесно поврзано со облеката, но секое сако ќе ви стои подобро ако одите исправени. Плус, несвесно ќе ја издолжите фигурата.

4. Нека преовладуваат темните бои

Црната, сивата и тегетот се идеални за визуелно издолжување на телото. Плус, со помош на темните нијанси ќе изгледате секогаш елегантно. Избегнувајте ги неонските бои колку и да ви се чинат забавни.

5. Не носете многу додатоци

Задржете се до едноставноста. Ременот со голема тока или дебелиот шал кој ќе ви го покрие вратот и рамениците не се најдобриот избор.