Црните нокти повторно ИН

Со оглед на тоа дека рок стилот се врати на модната сцена сезонава, повторно се актуелни темните тонови на ноктите, а апсолутен хит се црната и тегет боја.

 

Не заборавајте дека овие нијанси на лакови секогаш мамат погледи, па затоа потрудете се вашите нокти и раце секогаш да изгледаат беспрекорно средени и негувани.

Тегет и црниот лак најдобро изгледаат на куси и нокти со средна должина, а што се однесува до обликот пак оваа сезона се носат заоблени нокти.

Темните тонови се лесни за комбинирање, па можете да ги носите со секаква боја на облека. Со светлите тонови на облека, темните нокити уште повеќе доаѓаат до израз. Исто така, овие бои не се разервирани само за рок стилот, тие одлично се вклопуваат и во секојдневните, елегантните, како и гламурозните модни комбинации.

За темниот лак да изгледа убаво на ноктите, мора да се нанесува многу внимателно. Токму затоа најдобро би било да корстите лак кој брзо се суши.

Во продолжение еве 2 совети кои ќе ви помогнат да го нанесете лакот беспрекорно добро.

- За почеток, на ноктите нанесете безбоен заштитен лак богат со состојки кои ги негуваат и штитат ноктите.

- Потоа внимателно нанесете лак на секоја страна од линијата на средината на ноктот, но не до самиот крај (секогаш оставете мала празнина од 2 до 3 милиметри до работ на ноктот).