Бунтовнички чизми над колена

Ако ги следите модните насоки за сезоната која доаѓа и помисливте дека овој пат ќе ги изоставиме чизмите над колена, сте се излажале. Впрочем кога...

 

...ќе видите како дизајнерите одлично ги комбинираат со секаков вид на облека, веднаш ќе посакате барем еден пар за себе.

Имено, оваа есен и зима високите чизми растат уште повеќе и сега се носат над колената. Досега истите им беа познати само на пиратите и рибарите или пак од друга страна во лакирана варијанта како ненадминлив секси фетиш.

Сега, чизмите над колена стапија на модната сцена во секси, но не вулгарна варијанта наменети како за вечерните така и за дневните излегувања.

На модните писти можевме да ги видиме сите можни и невозможни варијанти на дизајнерска фантазија, од тесно припиени кон ногата до многу широки, но во секој случај исклучително високи.

Пиратската верзија овој пат ја одбраа Vivienne Westwood Red Label, Peter Pilotto и Costume National.

Ако пак се решите за светкавата варијанта каква што предлагаат Roberto Cavalli и Stella McCartney, внимавајте вашата облека, здолништата, фустаните и капутите да имаат раб подолг од оној на чизмите за да не изгледате како „ноќна дама“. Впечатлива металик верзија на чизмите над колена сезонава понудија и Louis Vuitton и Giles.

И за крај да напоменеме, дека мини здолништата, шорцевите и кратките фустанчиња се одлична комбинација со трендовските чизми сезонава.