Нов тренд: Долга кошула наместо фустан

Некаде помеѓу забрзаните денови и опуштени вечери, потребна ни е облека која ни овозможува удобност, а изгледа модерно. Кошулите - фустани ви го нудат токму тоа кога времето ќе затопли.

Што е кошула - фустан? Во основа, тоа е подолга верзија од омилената кошула, обично на закопчување, нешто поширока, таман за да делува како пристоен лежерен фустан.

Како да ја носите кошулата - фустан? На многу начини - со тенок или дебел ремен на струкот, а што се однесува до чевлите, секогаш можете да бирате помеѓу балетанки, римјанки, стилето потпетици, оксфордки или шарени патики.

За дневните прошетки совршени се тексас кошулите или оние ленените кои ќе ве ладат во неподносливите жештини, а кога ќе се стемни време е да го навлечете омилениот свилен модел.

Во комбинација со овие кошули - фустани носете тенки огрлици или впечатливи алки, голем шешир и колан во иста боја, високи гладијаторки и голема чанта. Не заборавајте дека ракавите мора да се подвратени до лактите.

Летото може да започне!

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•