Чоколадо против брчки

Научниците конечно ни дадоа одлична причина за уживање во чоколадото. Ова слатко искушение, според најновите истражувања е ефикасно во мазнењето на брчките.

 

Имено, дневна доза темно чоколадо ја штити кожата од прераното стареење предизвикано од сончевите зраци, тврдат научниците.

Најновото истражување покажа дека секојдневното уживање во неколку коцки чоколадо не штити од брчките кои се појавуваат заради ултравијолетовите сончеви зраци.

Уште една добра вест е тоа што научниците веруваат дека конзумирањето на темно чоколадо може да не заштити од појавата на рак на кожата.

За да не дојде до забуна да напоменеме дека истражувањето се однесува само на темното чоколадо кое е богато со антиоксиданси кои природно се наоѓаат во зрната какао, а се главна состојка на темното чоколадо.

Истражувањето покажа дека испитаниците кои конзумирале повеќе темно чоколадо богато со антиоксиданси можат без последици да поднесат поголема количина на УВ зраци на својата кожа за разлика од оние кои не јаделе вакво чоколадо.