Црвени усни и оваа есен

За разлика од летните трендови, кога во мода беа усните во природни тонови, оваа есен и зима популарни се силно црвените тонови и усните во...

 

...најразлична боја на шумско овошје.

Актуелниот тренд на темно црвен кармин кој преоѓа во виолетови нијанси, први го прифатија и промовираа на своите ревии „Dolce&Gabbana“, Hussein Chalayan, „Gucci“ и „Bottega Veneta“.

Покрај креаторите кои го вратија на сцена црвениот кармин и многу познати ѕвезди ги користат црвените нијанси без оглед на модните трендови.

Па така темно црвениот кармин е задолжителна шминка за атрактивната актерка Monica Bellucci, како и пејачките Gwen Stefani и Rihane.

Ваквите нијанси на кармин ги промовираат и Jessica Alba, Angelina Jolie, Penelope Cruz, Eva Longoria, како и Dita Von Tise. Всушност раскошната лепеза на црвени бои најдобро ја истакнува сензуаланоста на усните.

Психолозите сметаат дека припадничките на понежниот пол кои користат црвен кармин воглавно се чувствуваат атрактивни и сосема задоволни од својот љубовен живот.

Овие нијанси на кармини се малку попроблематични за користење, па морате да внимавате на гардаробата и при нанесувањето.

Од останатата шминка потребни ви се само пудра и маскара, а сенките и руменилата избегнувајте ги бидејќи усните се во преден план.

Што се однесува пак до гардеробата, пожелно е истата да биде во ненападни бои како што се сивата, црната или белата бидејќи кобинацијата со некоја силна боја или шарена облека може да делува невкусно.

Еве и краток видео туторијал како се нанесува црвениот кармин.