Кукличка - 4-годишната Кора со Даунов синдром е модел во рекламна кампања „Back to school“

Брендот за обувки Livie & Luca’s оваа есен во својата рекламна кампања ја вклучи и Кора Слокум, 4-годишното девојче со Даунов синдром.

Livie & Luca’s заедно со непрофитната организација Changing The Face of Beauty одлучиле оваа година заедно да се борат за промена на перцепциите и стереотипите кон луѓето со пречки во развојот.

Така и Кора е дел од кампањата #ImGoingBackToSchoolToo која бара еднаквост на младите луѓе со пречки во развојот.

Речиси 13% од популацијата на млади ученици кои оваа година тргнуваат на училиште се деца со Даунов синдром, а како што објаснува претседателот на организацијата Changing the Face of Beauty:  „Луѓето со пречки во развојот се најголемото малцинство во светот, а речиси воопшто не се претставени во рекламните кампањи и медиумите“.

Кора не само што имала можност да биде дел од есенската кампања, туку веќе има потпишано договор и за пролетната кампања за 2016-та година.

„Сакаме секое дете кое ќе ја види нашата реклама на еден начин да се препознае себеси“ – објаснува Алисон Шарват еден од менаџерите на Livie & Luca.

Тие се надеваат дека со својата реклама ќе овозможат поубав приказ на децата со пречки во развојот. „Прекрасно е кога ќе слушнете од луѓето дека во Кора го гледаат нивното дете или некој член на семејството“ – додава Шарват.

• 
• 
• 
• 
• 
•