Првиот плус сајз модел од Хрватска: „Конечно ја прифаќам својата тежина“

Модел од Хрватска вели дека се бори против стереотипите за жените ширум светот со тоа што научила да се прифати себеси и одбива да го намали вишокот на килограми за модната писта.

22-годишната Луција Лугомер од Загреб е првиот плус сајз модел од Хрватска која верува дека ги руши предрасудите со својот моментален став.

Но, тоа не било секогаш така. Во минатото таа не била среќна со својот изглед и постојано практикувала екстремни диети кои дури и ја донеле до болница.

„Морав да научам да го прифатам моето тело. Како тинејџер додека се развивав, многу од соучениците се шегуваа на моја сметка и не ми беше лесно“ – вели таа.

Сега се гордее со себеси, затоа што како што тврди, откако таа успеала да стане модел, многу девојки започнале да доаѓаат во агенцијата за која таа работи и се заинтересирани за да станат модели.

„Во минатото поминав безброј часови обидувајќи се да ослабам, но сега сум среќна со својот изглед“ – вели таа.

„За некои сум предебела, за некои преслаба. Некои дури велат дека сум грда, но научив да се соочувам со критиките“ – додава таа.

• 
• 
• 
• 
• 
• 
• 
• 
• 
• 
• 
• 
• 
• 
• 
•