Луксузната продавница на Викторија Бекам vs. евтиниот бутик на нејзината сестра

Како и сите други сестри, Викторија Бекам и Луиза Адамс се прилично различни. Едната е поранешна поп-пејачка во брак со фудбалер и живее во луксуз - богатство кое се проценува на 209 милиони фунти, а другата двапати омажена мајка на 4 деца која живее скромен живот речиси надвор од Лондон.

Но, имаат и нешто заедничко, а тоа е љубовта кон модата. И двете имаат свои продавници за облека. Едната луксузна продавница во Мејфер, ексклузивна област во западен Лондон, а другата близу Хердфордшир.

Сара Рејни одлучила да ги спореди и двете продавници и открила неверојатни сличности.

Модниот храм на Бекам

Продавницата на Викторија е уште позната и како моден храм кој о чуваат двајца стражари кои ги поздравуваат потрошувачите со насмевка. Но, сопственикот на продавницата го нема иако на отворањето ветила дека ќе биде достапна за секој потрошувач.

Со оглед на тоа дека продавницата е сместена во Мејфер, опколена е од скапи продавници, галерии. Се наоѓа точно меѓу Jimmy Choo и продавница за антиквитети.

„Цела палета бои, фустани, свила, маици, деликатна тантела - тука можете да најдете сè од најновата колекција за 2016-та година, но гледате цена и се обидувате да не се насмеете. 660 фунти за црн плетен фустан, 720 фунти за пижами и 325 фунти за обична бела маица“ - вели Рејни.

Не очекувајте да потрошите помалку од 200 - 300 фунти. Чанта направена од кожа од питон чини 1.850 фунти, пар позлатени очила со 18-каратно злато се 625 фунти... Најскапото парче облека е долг зелен сатенски фустан кој чини 3.120 фунти.

Цените се покриени за да не можете да ги видите сè додека не ја пробате облеката.

Насекаде се шири мирис од скапи свеќи. Има 6 асистенти - 4 мажи и 2 жени, млади и облечени во црно-бела комбинација кои се пријатно расположени, постојано се смеат и знаат како да ве услужат.

Продавницата е празна. Мал број на луѓе излегуваат од неа со нешто купено. Во текот на 5 работни денови од 368 потрошувачи само 16 излегуваат со кеса во раце.

Продавницата на Луиза

Продавницата е уште позната како таен гардеробер, бидејќи ќе ви биде потребно време додека го најдете. „Поминав половина час возејќи се и морав да се распрашам пред да го најдам“ - вели Рејни.

Нема камери, ниту стражари, туку Луиза може сè да следи од местото на кое седи, но како и кај нејзината сестра, сопственичката не е во продавницата.

Покрај неа има супермаркети Aldi и Sainsbury’s супермаркети како и многу кафулиња и места за брза храна.

Наместо деликатни тантели, кашмир и свила - имате евтина облека која е направена од синтетика, па и цените се драстично помали.

Тука може да се најде фустан за 20 фунти, блуза за 26 фунти...

Слушате радио додека пазарувате, а за разлика од празната продавница на нејзината сестра, тука вратата постојано ја слушате како се отвора и затвора.

Н. Г. | Црнобело