Пролетен тренд: Бисери на облеката и обувките

Наместо ѓердан околу вратот, оваа сезона ќе носиме бисери на гардеробата и модните додатоци.

Бисерите се безвременски накит кој никогаш не излегува од мода. Кога и да видите бисерен ѓердан, невозможно е да не се сетите на модната куќа Chanel, но и на дамите со темни очила за сонце кои секогаш имаат беспрекорна фризура.

Иако најчесто се синоним за елеганција и гламур, оваа сезона, и луксузните дизајнерски куќи, но и брендовите за улична мода ги користат бисерите на мошне креативен начин.

Фармерките и тексас јакните се „накитени“ со мали и големи, вистински и лажни бисери. Покрај облеката од тексас, бисерите ќе ги има и на другите парчиња облека, како маиците, џемперите и кошулите. Сè е украсено со елегантни бели топчиња.

Пред неколку месеци, трендот со бисерите го најавија модните куќи Comme des Garcons, Givenchy, Miu Miu и Gucci. Веднаш потоа, беше прифатен и од брендовите како Mango, Zara и Topshop, a по нив и од модните блогерки.

Ѕирнавме во понудата и ви ги издвојуваме најубавите парчиња облека, чевли и чанти со бисерчиња.

Инспирирајте се и бидете „ин“ оваа пролет:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

М. А. | Црнобело