Амал Клуни: 8 работи кои никогаш не би ги облекла на себе

Сите се согласни дека ангажманот на Амал Клуни како посветена адвокатка за човекови права е за пофалба, но факт е дека нејзиниот префинет стил на облекување постојано предизвикува поголемо внимание.

Сопругата на холивудската ѕвезда Џорџ Клуни, благодарение на својот непогрешлив вкус за облекување, ужива голема наклонетост во модниот свет, а е стилска икона за многу жени.

Иако поради природата на работата мора добро да внимава како се облекува, Амал секогаш успева да внесе и нешто ново, иновативно и оригинално во своите комбинации.

Знае како да си игра со деталите, кроевите, боите, дезените...

Сепак, во нејзината импресивна колекција облека во гардероберот, некои работи нема никогаш да ги видите. Амал секогаш избира парчиња во кои добро се чувствува и кои и прилегаат на фигурата, а на тој список не се наоѓаат следните нешта:

1. Хеланки

Во слободното време, хеланките се парче кое Амал никогаш не би го облекла на себе. Наместо нив, преферира да носи фармерки.

2. Рамни чевли

Амал Клуни ги избегнува сите видови на рамни чевли, па многу ретко ќе ја видите во балетанки или во мокасини, кои повторно се голем хит. Затоа, пак, чевлите со висока потпетица се нејзиниот прв избор, бидејќи одлично се вклопуваат во деловните комбинации.

3. Карирани кошули

Елегантната адвокатка за човекови права ги избегнува  и карираните кошули, а попрво се одлучува за софистицирана комбинација на сако и свилена блуза.

 4. Широка облека

Иако „oversized“ модата е голем хит последните неколку сезони, госпоѓата Клуни е доследна во изборот на кроеви кои ја следат линијата на телото, ласкајќи на нејзината совршена фигура.

5. Маици со принт

Иако трендсетерките се вљубени во нив, па со задоволство ги носат и за вечерни пригоди, Амал никогаш не сме ја виделе во маица со принт. Ги избегнува и дезенираните маици, но затоа ги обожува впечатливите панталони.

6. Патики

Патиките дефинитивно не се на списокот на омилена облека на Амал Клуни - таа попрво носи чизмички.

7. Мали чанти

За зафатената госпоѓа Клуни, малите чанти не се нималку привлечни. Таа секогаш се одлучува за популарните и елегантни, но пространи модели на чанти.

8. Шалови

Амал не го сака овој моден детаљ. Нејзиниот избор се добри очила за сонце, а најмногу ги претпочита моделите со големи рамки.

М. А. | Црнобело