Најпознатите слики на легендарниот супермодел Џија Каранџи

Пред Наоми Кембел, Синди Крафорд и Кејт Мос, постоеше Џија Каранџи. Сите ја знаете Џија од истоимениот филм во кој беше портретиран животот на преубавиот модел. Таа е позната по својата контроверзност, затоа што е еден од првите супермодели што ја признава својата бисексуалност и што толку јавно пропаѓа пред очите на јавноста поради својот проблем со дрогата.

Нејзината убавина била уникатна и таа била многу различна од сите модели во тој период кои изгледале како копија едни на други со својата руса коса и сини очи. Нешто по што била најпопуларна Џија, била нејзината храброст пред камерите. Таа уште на самиот почеток на нејзината кариера прави фотосесија во која е сликана целосно гола и изгледа како да се чувствува доста удобно во своја кожа.

Убавицата била на насловна страна на многу списанија како Вог и Космополитан, а исто така и била муза на многу дизајнери како Армани, Диор, Версаче и Ив Сен Лорен.

За жал, познатиот модел немаше среќен крај на животот. Трагично почина после долга борба со зависност од хероин од што и ја доби болеста сида која и го одзема животот. Таа почина на само 26-годишна возраст.

Еве неколку од нејзините најпознати слики:

На насловна страна на Вог списанието во 1980 година

На насловна страна на Космополитан списанието во 1982 година

На насловна страна на Космополитан во 1979 година

Фотосесија за Вог во 1978 година

Фотосесијата која ја прослави

Џија Каранџи во фотосесија за Ив Сен Лорен 1979

Џија во фотосесија за Вог

А. В. | Црнобело