Тренд што трае: Кимоната се хит и за есен

Со нив ја започнавме пролетта, во нив го поминавме летото, но по сѐ изгледа, тие нема да си заминат ниту во есенската сезона.

Во последните неколку месеци, кимоната ја покажаа својата сестраност, па не е чудно што се најдоа во мноштво гардеробери.  Претставуваат модни парчиња со кои секогаш ќе се издвоите од толпата, а истовремено можат да бидат и мошне практични.

На пoчекот од пролетта, ви претставивме кимоно наметки за шик дневен изглед, додека во екот на летото, пак, добитна модна комбинација со фармерки и шарено кимоно. А, што нè очекува во претстојната сезона?

Во слоевитите есенски комбинации, кимоното ќе се носи и над фустан или здолниште. Воедно, тоа пристигнува и во некои нови форми – како комбинезон или блуза, чии краеви ќе може да ги заврзете во јазол или машна. Секако, ќе го зачини вашиот изглед, дури и ако го носите само со обични фармерки и маичка, правејќи ја многу поефектна таквата комбинација. Не плашете се да експериментирате.

Дека кимоната дефинитивно остануваат присутни на модната сцена и во есен 2017, говори и големиот број на нови модели, кои веќе се најдоа во колекциите на брендовите за претстојните денови. Ги има во понудата на H&M, Zara, Bershka, Pull & Bear, Topshop, Mango...

А, најдобрите нови модели за својата гардероба, може да ги изберете од галеријата во продолжение:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

М. А. | Црнобело