Модната комбинација која Ана Винтур никогаш не ја одобрува

Ана Винтур е една од највлијателните жени во светот на модата и нејзе ѝ се припишуваат многу заслуги.

Уредничката на модната библија, магазинот Vogue, не се плаши да ги сподели своите ставови за модата, а нејзиното мислење е особено ценето кај сите модно освестени личности.

Нејзиниот најважен совет гласи:

„Изградете си сопствен стил. Нека биде уникатен, но гледајте да можат и другите да се идентификуваат со вас. Немојте слепо да ги следите трендовите. Треба да ги почитувате модните правила, но имајте секогаш сопствен стил. Најлошото нешто што можете да го направите е да се чувствувате неудобно во облеката што ја носите“.  

Ана Винтур е препознатлива по елегантните парчиња облека со цветни мотиви, боб фризурата која ја носи со години, очилата за сонце како задолжителен моден додаток и чевлите Manolo Blahnik на кои им е верна повеќе од 20 години.

Но, има една модна комбинација која Ана Винтур не им ја простува ни на најголемите трендсетерки.

Станува збор за целосно црн аутфит, од глава до пети. Овој класичен изглед, омилен на многу славни дами, не ѝ се допаѓа на кралицата на модата која има изјавено дека никогаш не би се облекла целата во црно.

Ана препорачува кога носите црна комбинација, да додадете живост со некоја впечатлива боја, како на пример жолта, црвена или зелена.

М. В. | Црнобело