Појас во риги и бикини со ремен: Тренди костими за капење кои веќе ја освоија 2018-та

Дали сте размислувале да носите ремен на плажа како додаток на костимот за капење!? Веројатно не! Но, иако ова ви изгледа како навистина бизарна идеја, сепак тоа е новиот тренд за 2018-та, костими за капење во комбинација со појас или ремен.

Овој тренд за првпат беше забележан благодарение на дизајнерската линија на Shea Marie чии што модели беа збогатени со широки појаси во риги.

Само по неколку месеци ремените станаа дел и од дизајните на други брендови како „Solid & Striped“.

Па едно е јасно, доколку сакате и ова лето да бидете шик, при изборот на костим за капење, немојте да заборавите истиот да биде во комбинација со стилски дезениран ремен или појас.

Покрај модниот аспект, ременот може да ви помогне и да го истакнете струкот.

С. У. | Црнобело