Kој костим за капење најдобро ќе ги сокрие недостатоците на вашето тело?

Дали ве мачи вишокот на килограми во пределот на стомакот или широките бутови? За безгрижен престој на плажа и блескање со самодоверба, изберете го вистинскиот костим за капење за вас.

Сезоната за летни одмори е отворена, а купувањето на совршениот костим за капење сигурно ви е на ум периодов.

За да изберете модел кој ќе ги истакне вашите предности и ќе ги сокрие вашите мани, треба да ги следите овие совети.

Според тоа какво тело имате, одберете каков костим за капење ви прилега:

Дебели раце

Костимот за капење со длабоко деколте ќе ги истакне вашите гради, а ќе ви ги покрие рамениците.  

Друга опција е монокини со ракавчиња. Разиграната линија кај деколтето ќе го премести фокусот таму.

Исто така, може да одберете монокини со пуштени ракавчиња со фалти со кој ќе го истакнете пределот на вратот.

Широки колкови

Ако имате тело со форма на круша за вас совршено е монокини што се врзува околу вратот. Длабокото „V“ деколте ќе ги акцентира вашите раменици и гради, а ќе го тргне фокусот од колковите.

Монокини со долен дел во темна боја и горен со впечатлив дезен ќе го нагласат горниот дел од вашето тело.

Монокини без прерамки ќе ги истакне вашите раменици и широките колкови ќе паднат во втор план.

Бујно деколте

За да ги задржите бујните гради на место ви треба бикини чиј горен дел има стегнати корпи и широки прерамки, кои ќе го распоредат товарот на вашите раменици и грб.

Бикини кои се врзуваат околу вратот и имаат цврсти корпи, исто така се добар избор.

Добитна комбинација е и спортски горен дел со декоративни елементи.

Продолжува на следната страна...