Самo недела дена е во продажба: Zara фустанот што никого не оставa рамнодушен (фото)

Ако будно ги следите социјалните мрежи, сигурно забележавте дека едно модно парче им е нов фаворит на познатите модни блогерки, трендсетерки и фешнистки. Шпанскиот бренд го претстави неодамна, а веќе се создаде фама низ целиот свет.

Модната куќа Zara претстави дел од колекцијата за есен-зима пред една седмица, и се чини дека го има потенцијалниот хит на сезоната.  Во понудата на брендот за висока улична мода се најде и необичниот кафеав мини-фустан со пуфкасти ракави, кој за рекордно време ги освои срцата на трендсетерките.

Моделот со тренди чоколадна нијанса недоливо потсетува на нешто кое го имате носено на себе, евоцирајќи спомени на модата од ’90-тите. Очекувано или не, попопуларните фешнистки први го купија, па го вклопија во своите стилски комбинации, фалејќи се со фотките што ги направија за на Инстаграм.

Коментарите се поделени. Додека едни го обожаваат, има и такви на кои ни малку не им се допаѓа. Сепак, факт е дека никого не го остави рамнодушен. Само неколку дена по пуштањето во продажба, веќе постои невиден интерес за ова есенско парче од Zara.

Од махагони до бакарни, кафените нијанси се клучни бои за претстојната сезона. Мини фустаните, пак, се очекува да доживеат вистинско враќање на модната сцена во септември.

Неговата цена изнесува 3.990 денари. Како вам ви изгледа најактуелниот фустан во моментот?

• 
• 
• 
• 
• 
• 
• 
• 
• 
• 
• 
• 
• 
• 
• 
•  

М. А. | Црнобело