Зошто Меган Маркл сака, но не може да ги носи фустаните дизајнирани од Викторија Бекам?

Војвотката и Војводата од Сасекс се добри пријатели со Бекамови, па нивното присуство беше стилски забележано и на кралската венчавка на Меган и Хари.

Дејвид и Викторија Бекам се блиски пријатели со повеќе кралски членови, а досега имаат добиено и неколку признанија и заслуги од нив.

Откако Меган се појави во џемпер дизајниран од Викторија Бекам на вереничките фотки со Хари, многумина почнаа да шпекулираат дека и нејзината венчаница ќе биде дизајнирана од Викторија.

Но, во минатото Меган има јавно зборувано зошто никогаш не може да ги носи фустаните на Викторија Бекам, иако сака:

„Нешто што сега го сфаќам е дека иако облеката може да изгледа одлично на закачалка, не значи дека ќе изгледа добро и на мене. На пример, ги обожавам фустаните на Викторија Бекам, но немам доволно долго торзо за да ја износам таквата силуета.“

М. Д. | Црнобело