Модни грешки кои ги прават сите мажи, заради кои изгледаат несредено

Претерувате со модните додатоци

Многу мажи сакаат да ги комбинираат сите модни додатоци во еден изглед. Ова можат да бидат ракавици, часовник, капа, врска, колан или што било.

Но да имате добар стил значи да ги вклопите малите детали без да претерате. Па, одберете неколку модни додатоци кои ќе го нагласат вашиот изглед, а другите оставете ги за друг пат.

Секогаш купувате широки панталони

Фармерките се можеби најважното парче облека во вашиот гардеробер бидејќи можете да ги носите во речиси секоја прилика. Поради ова важно е да имате барем еден пар што му одговара на вашиот тип тело.

На пример, поголемите мажи би требало да пробаат фармерки со повисок струк, додека за послабите добри се и „обичните“ модели.

Не заборавајте дека ако сте премногу слаби или со прекумерна тежина, широките панталони нема да го скријат проблемот, туку само ќе го влошат. Овие фармерки изгледаат опуштено и не ги нагласуваат вашите карактеристики.

Секогаш ви се гледа маицата

Целта на маиците е да ви ја заштитат кошулата од дамки и пот. Овие маици се долна облека, па не треба да се гледаат. Тие само ќе го нарушат вашиот изглед.

Ги закопчувате погрешните копчиња на сакото и палтото

Правилата за закопчување се навистина едноставни. Ако носите палто со едно копче, оставете го откопчано кога седите, а закопчано кога стоите. Доколку имате палто со две копчиња, закопчајте го само горното.

Кај палта со три копчиња, следете го правилото „некогаш, секогаш или никогаш“. Односно, закопчувајте ги второто и третото копче кога што сакате.

Купувате облека со слаб квалитет

Ако не сакате да потрошите мало богатство за да изгледате добро, одбирајте облека од природни материјали, како памук. Синтетичките материјали брзо ја губат формата и по само неколку перења ќе се оштетат.

Покрај тоа, облеката од полиестер може да изгледа премногу сјајно, што прави да изгледа поевтино.

Спирова С. | Црнобело