Ако имате големи гради – кружен изрез: Каков тип на облека ви одговара според телото?

Како што фризурата ја истакнува формата на вашето лице, така деколтето и отворот на облеката може да влијае врз изгледот на целото ваше тело.

Веројатно и самите сте забележале дека некои отвори на облеката ви стојат беспрекорно, а со некои изгледате навистина лошо.

Изгледа дека типот на вашето тело „одредува“ кои видови деколтиња и изрези на облеката се најдобри за вас.

Како да ја изберете совршената облека според вашето тело?

Големи гради: Кружен изрез

Секоја жена со големи гради знае дека маиците со V отвор и маиците со длабоко деколте не им се најдобри пријатели.

Но, ако имате големи гради не значи дека мора да се ограничите само на висока јака.

Маиците и блузите со кружен отвор се одлични за девојките со големи гради, бидејќи вашето деколте ќе изгледа привлечно и пристојно, а вие ќе се чувствувате удобно.

Кратко торзо: V отвор

Ако имате кратко торзо, треба да ја искористите облеката за визуелно да го издолжите. Најдобриот начин да го направите тоа е со маици и кошули со елегантен V отвор.

Долго торзо: Рамен изрез

Ако имате долго торзо, тогаш треба визуелно да го намалите. „Рамните“ отвори на блузите се најдобриот избор за овие жени.

Сличен ефект ќе постигнете и со маици и блузи со голи рамена, кои се вистински хит.

Широки рамена: V отвор или на врзување околу врат

Овие отвори визуелно ќе ги намалат вашите рамена. Во топлата сезона, добро ќе ви стојат и маички без ракави со отвор околу врат и голи рамена.

Најважно е да не одбирате маици, блузи и кошули со рамен крој по рамената со што ќе ви ги нагласат повеќе и ќе направат да изгледаат уште пошироки.

Мали гради: Високи блузи со отвор околу врат или јака со панделка

Ако сакате вашите гради да изгледаат поголемо, одберете блуза или кошула која има панделка на јаката.

Исто добро ќе ви стојат и маичките со висок кружен отвор, бидејќи ќе ги нагласат природните карактеристики, а притоа ќе создадат илузија на поголеми гради.

Спирова С. | Црнобело