Колку се променија машките стандарди за убавина изминативе 120 години?

1960-ти: Ерата на Битлси

Овој период го обележаа Битлси, а тесните панталони, кошулите и блејзерите биле најпопуларните парчиња облека.

Традиционалните костими биле заменети со светли кошули, црни ролки и фармерки.

Поради студентските протести, се формирал и нов идеал за мажите – студент во добра форма, со младолик изглед.

1970-ти: Рокери и хипици

Овој период мажите имале долга коса на која не ѝ правеле фризури и ја бричеле брадата. Можеби најголемата модна икона бил Џим Морисон од The Doors.

Костимите ги носеле само оние кои работат во канцеларија, а останатите одбирале панталони од сомот, шарени кошули и маици, но и чизми со мала потпетица.

1980-ти: Мустаќи и здрав изглед

Со текот на времето, рокерите биле заменети со атлетичарите.

Можеби Арнолд Шварценегер е причината што мажите почнале да се интересираат за бодибилдинг и што се откажале од пушење и алкохол.

Овој период долгата коса заминала во заборав, па тренд биле кратките фризури и избриченото лице.

Совршениот маж од 80-тите бил интелектуалец со самодоверба, кој се фокусира на својата кариера.

1990-ти: Гранџ и запуштеност

Зборот „гранџ“ може да се преведе и како валкано, па покрај музиката, на некој начин ја дефинирал и модата од тој период.

Неуредната облека, бушавата коса и брадата од 2-3 дена биле најпосакувани карактеристики кај мажите. Овој период вистински хит биле продавниците за половна облека, а најмногу се носеле џемпери, искинати панталони или само сако, без кошула под него.

Секс симболи од 90-тите се „лошите“ момчиња како Курт Кобејн и Џони Деп.

2000-ти: Метеросексуалност

Овој период мажите почнале да се грижат за својот изглед можеби и повеќе од жените.

Одењето во салон за убавина, на фризер и во теретана било очекувано од сите мажи.

Најчесто носеле тесна облека, но веројатно омиленото парче биле маичките кои ги истакнуваат мускулите.

2010-ти: Хипстери и интелигенција

Тетоважи, малку брада, безгрижно облекување и очила – ова се веројатно главните одлики на „хипстерите“. Мустаќите и брадата повторно се тренд, а најпосакувани мажи се интелектуалците кои се во тек со настаните.

Мажите кои посетуваат изложби, имаат многу пријатели и се успешни изгледа привлекуваат најмногу внимание.

Спирова С. | Црнобело