Од маица - фустан и уште 5 трикови како од старата облека да направите нови парчиња

Колку пати сте стоеле пред полниот гардеробер мислејќи дека немате што да облечете? Оваа мака им е позната на сите жени.

Проблемот е што иако гардероберот ви е полн, внатре сигурно има безброј стари парчиња што не би ги облекле повторно. Ако сте како повеќето, веројатно не сакате да ја фрлате оваа облека со надеж дека некогаш ќе ви се најде за нешто. Сега дојде моментот и за тоа.

Со неколку едноставни трикови можете да ја претворите старата маица во фустан, здолниште или тренди маичка, а притоа не мора да знаете ништо за шиењето облека.

Во продолжение погледнете ги триковите со кои ќе ѝ даде втор живот на старата облека:

Фустан за на плажа од маица

Потребни материјали: Широка маица со кратки ракави, брош

Облечете ја блузата така што ќе ги протнете и рацете низ отворот за главата (како на фотографијата). Потоа спојте ги ракавите напред со помош на брош и вашиот фустан е готов.

Нов модел од стара кошула

Потребни материјали: Голема кошула со долги ракави

Облечете ја кошулата и извадете ја едната рака. Извадениот ракав заврзете го со спротивниот раб на кошулата (како на фотографијата), а другиот раб ставете го во панталоните.

Женствено здолниште од марама

Потребни материјали: Марама, брош и колан

Завиткајте ја марамата околу половината и едната страна направете ја подолга. Прицврстете ја марамата со брош и на крај ставете колан.

Кроп-топ од обична маица

Потребни материјали: Маичка од подебел материјал, ножици

Исечете го задниот долен дел на блузата, малку пониско од градникот. Предниот дел исечете го на половина (како на фотографијата).

Потоа само облечете ја блузата и заврзете ги исечените делови на грбот.

Градник за облека со гол грб

Потребни материјали: Градник, ластик, ножици, конец и игла

Исечете го задниот дел од градникот и на негово место зашијте три еластични црни ленти.

На овој начин градникот ќе изгледа како украс на облеката со гол грб.

Спирова С. | Црнобело