Атиџе е модна муза - Kenzo ја презентираше колекцијата инспирирана од „Медена земја“

Мотото на Атиџе што ни е добро познато на сите – пола за мене, пола за пчелите – стана инспирација за пролетната колекција на брендот Kenzo.

Дизајнерот зад колекцијата е Фелипе Оливеира Баптиста, кој секогаш се обидува да најде рамнотежа помеѓу човекот и природата. Фелипе секогаш користи пластика што се рециклира, соработува со WWF и зад себе има неколку еколошки проекти.

Овојпат, за колекцијата пролет 2021 на познатиот бренд, тој се осврнал кон мудроста на Атиџе, претставена во „Медена земја“.

Едноставното правило што го следи Атиџе – зема половина од медот, а другото го остава за пчелите – го фасцинирало Фелипе:

„Филмот го прикажува контрастот помеѓу главниот лик, жена која ги почитува пчелите и секогаш го зема само медот што ѝ потребен да преживее – 'половина за мене, половна за тебе' – и нејзините соседи, кои ги трошат природните ресурси и на крај ги убиваат пчелите“.

„Тoа е една од најстарите врски помеѓу човекот и природата. Сакав да покажам нешто за несигурноста на ситуацијата во којашто се наоѓаме“, вели Фелипе, алудирајќи на штетата што ѝ ја нанесуваме на природата“, вели Фелипе.

Уште кога ќе ги погледнете креациите, ќе ви стане јасно дека шапките со мрежа се инспирирани од опремата што ја носат пчеларите. Интересно е што и на самата ревија, на секое столче за посетителите имало тегла мед.

Целото шоу можте да го погледнете овде:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

Спирова С. | Црнобело