Која е македонската убавица која ќе нѐ претставува на Miss Globe 2020 во Тирана?

Натпреварот за убавина Miss Globe 2020 ќе се одржи во Тирана на 12-ти ноември, а претставничка на нашата земја е 24-годишната Анѓела Јакимовска.

Анѓела уште од средно училиште имала афинитети кон оваа професија, се интересирала за модата и модните ревии, читала модни списанија, ја имала нејзината висина уште од млада и иако барало пожртвуваност, решила уште од 16-годишна возраст да се фокусира на манекенска кариера.

Завршила во средното училиште Раде Јовчевски – Корчагин, а образованието го продолжила на Економскиот факултет.

Учењето не ја спречило да се посвети на професијата која отсекогаш ја посакувала, има учествувано на повеќе натпревари за убавина, а таа е и првата манекенка која се има појавено на Модната недела во Софија.

За себе има изјавено дека е посветена и секогаш чесно ги заслужува наградите, па се надеваме дека ќе постигне одличен успех на претстојниот натпревар во Тирана.

Од модното студио Црнокрак, објавија фотографии од неа на Инстаграм и напишаа: „Анѓела Јакимовска се подготвува за Miss Globe 2020“.

Во претставничкото видео за Miss Globe 2020, вели дека е горда што има шанса да ја претстави својата земја на овој натпревар, верува во вистинска љубов, а за Македонците кажува дека се народ со топло срце.

На следната страна повеќе фотки од Анѓела Јакимовска...