Малку шминка=совршено лице

Овој текст не е за тоа како да постигнете совршен тен ниту пак нешто слично - овде се работи само за обликот на лицето. Совршенството е се разбира...

...релативен поим, но кога станува збор за совршен облик на лице, се смета дека совршено лице е она на кое ширината на лицето е еднаква на половина од должината.

Иако секој има своја идеа за совршено, таквиот облик на лицето е најпријатен за окото. За жал не сме сите родени со такво лице (ниту пак совршеното лце е нешто пресудно за било што во животот), но со малку козметички трикови може да изгледаме како да имаме совршено лице. Еве како.

За почеток, неопходно е да го одредите обликот на вашето лице. Постоечките облици се: совршено, овално, тркалезно, издолжено и во форма на квадрат. Кога ќе го утврдите обликот на вашето лице (тоа се прави ако го нацртате обликот на огледало), земете го руменилото во раце и фатете се за “работа“.

Доколку лицето ви е  овално (патем речено тоа е исто така одличен облик на лице, затоа што му прилегаат сите фризури), треба само малку да го издолжите. Тоа можете да го направите така што ќе нанесете руменило на најполниот дел од образот. Насмевнете се со затворена уста и така ќе ја направите првата почетна точка.

Девојките не сакаат лицето да им е тркалезно - тоа ги асоцира на вишок килограми иако ги немаат. Во секој случај, со правилно нанесено руменило и тркалезното лице може да изгледа како да има идеален облик. Нанесете руменило на јаболчниците и се побледо кон слепоочниците-тоа визуелно ќе ви го издолжи лицето.

Доколку лицето ви е долгнавесто, за идеален облик потребно е малку визуелно да го „скратите“. Тоа ќе го постигнете така што на врвот од брадата ќе нанесете малку темно мат руменило. На јаболчниците нанесете ја истата нијанса која постепено поминува во посветла.

Лицето во форма на квадрат изгледа малку грубо и со остри црти, па треба да се направи понежно. За тоа треба да се нанесе малку руменило точно под јаболчниците и кон работ на лицето. Потоа поминете со истата боја преку коската на вилицата за да ја ублажите нејзината линија.