Огромни чанти, миди здолништа – Најчестите модни грешки што ги прават пониските девојки и жени

Ако сте девојка со потпросечна висина, веројатно одвреме-навреме сакате да изгледате визуелно повисоки. Иако нема ништо лош во тоа да бидете пониски, изгледа сите копнееме по она што го немаме – високите девојки сакаат да бидат пониски, оние со виткана коса сакаат права, оние родени со темна коса сакаат светла…

Па, ако сте пониска девојка и не сакате да го нагласите тоа, постојат некои грешки при изборот на облека на кои би требало да обрнете внимание.

Погледнете за кои станува збор:

Носите миди здолништа

Миди здолништата ги прават нозете визуелно пократки, а со тоа можат да направат да изгледате пониско. На пониските девојки најдобро им стојат мини здолништата кои им ги истакнуваат нозете.

Ако сепак сакате да облечете миди здолниште, најдобро одбирајте асиметрични модели. Исто така, добро би ви стоеле и таканаречените молив здолништа со висок струк.

Носите облека со хоризонтални риги

Ако сакате да ја издолжите вашата фигура, наместо со хоризонтални, купувајте облека со вертикални риги. Овој дезен ќе изгледа одлично на фустани, а уште подобро на панталони бидејќи визуелно ќе ви ги издолжи нозете.

Не заборавајте дека некогаш е важна и дебелината на ригите – ако се премногу широки можат да направат да изгледате пошироко.

Купувате облека со огромни принтови

Ако сакате да носите облека со принтови, најдобро избегнувајте ги премногу големите, впечатливи принтови. На вашата висина многу подобро ќе изгледаат посуптилни детали. Според некои модни експерти, најдобро е да купувате облека чии принтови не се поголеми од вашата тупаница.

Носите многу долги сакоа

Долгото сако ќе покрие дел од вашите нозе и може да направи да изгледате пониско.

Ако сте ниска девојка, многу подобро ќе ви стојат пократките сакоа, со должина до колковите, па дури и половината. Истовремено, најдобро е да купувате струкирани модели.

Уште пет грешки на следната страница...