Заборавени модни правила: Зошто во минатото задолжително се носеле комбинезони под облеката?

Жените се чувствувале самоуверено и пријатно, без разлика на тоа дали носеле дебели фустани изработени од груба и „боцкава“ ткаенина како волна или твид. Kомбинезонот имал хигиенска функција затоа што така никогаш дамите не ја носеле облеката што ја носат надвор, директно на телото - Знаете ли зошто жените во минатото задолжително носеле вакво парче облека?

Денес кога ќе се каже „комбинезон“, најчесто се мисли на целосни панталони, но во минатото овој збор означувал задолжително парче долна облека без коешто нашите баби не можеле да помислат да излезат од домот.

Многумина и не знаат како воопшто изгледало ова парче долна облека, што задолжително се наоѓало во гардероберот на нашите баби.

Станува збор за парче долна облека кое личи на фустан, најчесто изработено од свила и тантела, а се носело помеѓу долната облека и фустанот или здолништето со кошула.

Постојат повеќе причини зошто комбинезонот бил задолжително парче облека во минатото.

Мода

Во тој период, комбинезоните најчесто биле изработени од свила и од тантела и му давале пријатно чувство на телото.

Жените се чувствувале самоуверено и пријатно, без разлика на тоа дали врз него носат дебели фустани изработени од груба и „боцкава“ ткаенина како волна или твид.

Естетика

Комбинезонот имал хигиенска функција затоа што така никогаш дамите не ја носеле облеката што ја носат надвор, директно на телото.

Естетската функција доаѓала оттаму што, кога носи комбинезон, жената не треба да се грижи дали фустанот или кошулата ѝ е проѕирна или дали ќе ѝ се гледа вишокот килограми – ова парче долна облека покрива сè.

Практичност

Во минатото здолништата и фустаните често биле изработувани од синтетички материјали и комбинезонот не дозволувал да се залепат за нозете и за хулахопките.

Освен тоа, во тоа време жените немале машини за перење (или биле премногу скапи), па не можеле секој ден да ги перат фустаните и здолништата, но затоа комбинезонот бил лесен за перење и за одржување.

фото: Facebook

Б. С. Б. | Црнобело