„Луѓето ме обвинуваат за злоупотреба затоа што си ја дотерувам 1-годишната ќеркичка“

„Запрепастена сум што луѓето толку се лутат што ја облекувам ќерка ми убаво. Тие коментираат дека тоа што ја дотерувам е еднакво на злоупотреба на деца...“

Рајан е мала модна инфлуенсерка со повеќе од 255.000 следбеници на ТикТок, која не се мачи воопшто со изборот на аутфити, затоа што нејзината мајка го прави тоа за неа.

Есберика Вилсон (27) од Охајо, која пораснала на Хаити, ѝ е стилистка на својата 1-годишна ќерка Рајан од чии стајлинзи најпрепознатлив дел се џиновските панделки на глава.

Таа почнала да ја дотерува и фотографира, само неколку седмици по породувањето.

Есберика е домаќинка и вели дека има многу време за ова и ужива притоа. Таа има и 5-годишен син.

За жал, вели дека често се соочува со критики од јавноста.

„Запрепастена сум што луѓето толку се лутат што ја облекувам ќерка ми убаво. Покрај нејзините фенси аутфити, во сè друго, таа е само обично дете, како и сите други деца. Но, луѓето коментираат дека тоа што ја дотерувам е еднакво на злоупотреба на деца.

Мора да запомнат дека јас сум ѝ мајка и знам кога неа ѝ e комфорно и ако ѝ е некомфорно сигурно нема да дозволам да страда. Никогаш не би направила нешто од кое може моето дете да биде несреќно. Ако ја дотерам и не сака да се фотографира или снима, тогаш ја тргам камерата на страна тој ден.

И мојата мајка ме дотеруваше мене кога бев малечка и тоа воопшто не ми влијаеше негативно. Оваа облека е дизајнирана за бебиња и деца, па зошто да не ја облекувам во неа мојата ќерка?“

Како изгледа малата модна икона Рајан:

@theewilsons She’s everything ?? #fypシ #babytok #fitcheck #toddlersoftiktok #momsoftiktok #momsoftiktok ♬ This photo or this photo - CovNasty

С. С. | Црнобело