Сатенските Барби штикли на платформа се хит и кај Србинките – чинат 1.100 евра (фото)
Сатенските чевли со висока потпетица и двојна платформа на Versace се вистински хит сезонава. Голем број светски и регионални ѕвезди побрзаа да објават фотографии со нив – Бијонсе, Аријана Гранде, Бела Хадид, но и Јелена Карлеуша и Тамара Калиниќ.
Постпандемиските модели на чевли и натаму многу повеќе се сконцентрирани на удобноста и на комфорот, а ова се главни одлики и на моделот на чевли што стекна светска популарност, иако на прв поглед не изгледа така.
Модната куќа Versace минатата година го претстави моделот чевли Medusa Aevitas кои се препознатливи по дебелата потпетица, двојната платформа и предниот дел во облик на квадрат.
Овие чевли ги освоија светски познатите ѕвезди, но и модните инфлуенсерки, како во светот, така и во нашиот регион.
Чевлите се продаваат по цена од 1.090 евра, а забележително е дека имаат платформа на два ката, високи се 15 cm и изработени се од сатен во впечатливи бои и нијанси.
Можеби големиот интерес се должи и на тоа што неодоливо потсетуваат на Барби чевличките.
Штиклите може да се најдат во розова, виолетова, жолта, зелена и црвена нијанса, а особено забележлив е тенкиот ремен околу зглобот кој има мали светкави детали.
Меѓу првите познати дами што се фотографираа во овој модел чевли беше поп-иконата Бијонсе, а по неа следеа и голем број други светски и регионални ѕвезди и инфлуенсерки.
Погледнете дел од нив:
Јелена Карлеуша
Тамара Калиниќ
Дуња Јованиќ
Аријана Гранде
Бијонсе
Кјара Ферањи
Б. С. Б. | Црнобело
Би можело да ве интересира:
Препорачуваме
Најчитани неделава
