Избегнувајте блузи со широки ракави и уште 7 модни совети за девојки со пошироки раце и рамена

Ракавите од тантела и блузите без прерамки во комбинација со впечатлив накит секогаш се добар избор.

Бидејќи сите имаме различно тело, не можеме да очекуваме да изгледаме добро во секоја облека. Додека некои парчиња им стојат подобро на девојки со облини, други се подобар избор за слаби девојки.

Кога одбирате облека, најважното е вие да се чувствувате удобно и убаво во неа и, секако, да ги нагласите атрибутите што вам најмногу ви се допаѓаат.

Важно е да знаете дека нема потреба да криете некој дел од телото. Единствено, треба да земете предвид некои ситници, како крој на здолниште или должина на ракави, кои би изгледале најдобро на вашето тело.

Ако имате пошироки раце и рамена, тогаш сигурно ќе ви се најдат следниве модни совети:

Нема да погрешите со долги ракави од тантела

Блузите со долги ракави од тантела изгледаат елегантно и бидејќи се погодни и за потопло време, некогаш се и подобар избор од блузите без ракави.

Избегнувајте маички со кратки и широки ракави

Широките ракави само ќе направат вашите рамена и раце да изгледаат пошироко.

Многу подобро ќе ви стојат маички со тесни ракави.

Дајте им предност на блузите со широки прерамки

Широките прерамки создаваат добра рамнотежа, па се одличен избор ако имате пошироки рамена и раце.

Наместо со долги, носете блузи со ¾ ракави

Блузите и кошулите со ¾ ракави им стојат беспрекорно на девојките со широки раце и рамена, особено ако имаат поотворена јака.

Не плашете се да облечете блуза без рамки

Фустаните и блузите без прерамки исто така им стојат одлично на девојките со широки раце.

Ќе изгледате уште подобро ако ги искомбинирате со впечатливи обетки или ланче.

Од друга страна, избегнувајте ги блузите со многу широки ракави и карнери.

Искористете ја моќта на накитот

Впечатливиот накит ќе изгледа одлично не само со блузите без прерамки, туку и со парчиња како кошули и блузи со долги ракави.

Асиметричните блузи се одличен избор

Овие блузи им стојат добро на скоро сите, па слободно вметнете ги во вашите комбинации.

Дајте им предност на блузите со „V“ израз

Овие блузи го истакнуваат деколтето и се одлични за девојки со пошироки раце.

Спирова С. | Црнобело