Како познатите жени ги истакнуваат најдобрите карактеристики, а ги прикриваат „недостатоците“ на телото со облеката?

Бидејќи Кејт Мидлтон има широки рамена и потесни колкови, честопати носи здолништа со А-крој кои додаваат волумен во областа на колковите.

Никој нема совршено тело, дури ни познатите дами кои неретко ги гледаме како симбол за совршенство.

Како и „обичните“ жени, и тие имаат „недостатоци“ во зависност од типот на нивното тело. Некои имаат кратки нозе, некои имаат поширока половина, а некои имаат многу тесни колкови.

Но, тие умешно ја користат облеката за да создадат илузија на совршенство и за да ги прикријат овие „недостатоци“.

Па, кои модни лекции можеме да ги научиме од нив?

Кира Најтли често носи парчиња украсени со тантела

Кира Најтли има тело како на супермодел, па честопати додава волумен во областа на градите, колковите и рамената со облека украсена со тантела и други детали.

Кејт Мидлтон обожава здолништа со А-крој

Кејт Мидлтон има широки рамена, тесна половина и тесни колкови. Поради ова, совршено ѝ стојат здолништа и фустани со А-крој, а таа многу добро го знае ова.

Алисија Викандер преферира струкирани парчиња

Младата актерка честопати се појавува со струкирани парчиња, но и здолништа и панталони со висок струк кои ја истакнуваат нејзината половина.

Корсетите се омилено парче на Блејк Лајвли

Блејк Лајвли секогаш изгледа беспрекорно бидејќи знае како да ги нагласи нејзините добри карактеристики.

Актерката има широки рамена и колкови и совршени нозе. А, со цел да создаде илузија на фигура како на песочен часовник честопати носи корсети во комбинација со широки здолништа, како и панталони со висок струк.

Продолжува на следната страница...