Ретро фризурите се ИН

Есенската недела на машка мода во Милано донесе некои нови трендови на подрачјето на стајлингот и стрижењето на косата. Познатите модни куќи...

...ги преставија најновите модни и бјути трендови, меѓу кои секој модно освестен маж може да пронајде барем еден за себе.

Но, како еден од главните трендови се наметна ретро стилот. Rockabilly, стилот на оксфордските студенти, или пак бендови од почетокот на седумдесеттите ќе ве освојат и вас, но и жените, на прв поглед.

Залижан - D&G

И покрај рамниот патец на страна, фризурата не смее да биде претерано залижана, а косата залепена со главата. Косата мора да ви биде малку подолга за да можете да ја измасирате со пена за волумени и по потреба да ја израмните. Кога ќе го направите патецот, косата исушете ја со фен и дополнително истакнете поедини прамени со восок за коса.

Rockabilly - Chanel

Апокалиптичната есенска колекција на Шанел донесе и враќање на rockabilly машките фризури. Наместо класична фризура како што носел Елвис, направете нејзина современа верзија. Косата од страните залижете ја со помош на восок, или гел за сјај, а горниот дел на косата подигнете го со чешел за тапирање и фиксирајте со лак за коса. За оваа фризура косата мора да биде десетина сантиметри долга инаку нема да ви успее фризурата.

Gucci - во стилот на седумдесеттите

Рокерскиот свет на седумдесеттите години отсекогаш  ги привлекувал припадниците на машкиот пол, што не е ни чудно со оглед на славата и популарноста која ја има до ден денес. Земете го за пример Брајан Џонс, првиот пејач на Ролинг Стоунс. Полудолгата коса на која ќе нанесете пена израмнете ја со четка доколку косата природно не ви е рамна. Повлечете длабок патец на страна и подготвени сте за освојување на обожавателки.